جنبلاط بعد لقائه لافروف: لا بديل عن التسوية السياسية وعلى النظام السوري وقف العنف

الله محييك يا ابو تيمور والله انك دائما فاتح عينا ورافع راسنا ويا ريت في عنا واحد فهمان متلك بالسويدا كانت الطائفة بألف خير, الله محيي اصلك.

بس بدي أفهم من موقع اخبار السويداء ليش الاهتمام بأخبار وتصريحات *****جنبلاط بالرغم من انو مشايخ السويداء الافاضل أجمعو عل نبذه هو و تصريحاته؟؟؟لانه متقلب سياسيا حسب مصالحه ومع اثارة الفتن في وطننا الغالي سوريا

الى شادي
ممكن ان تقول لنا يا شادي اسماء المشايخ الذين اجمعوا على نبذه ومن اين حصلت على هذه المعلومة.؟

فعلآ ياأخ حمد لو عنا واحد مثل أبو تيمور! !!!!!!!!
وحد الله يارجل الله محي أصلو ماختلفنا بس بس بالجبل عنا ناس بتشرفو لأبو تيمور غير هيك طائفتك بلبنان منقسمه من ورى أبو تيمور
أبو تيمور بنام عشي وبفيق عشي ثاني خيك أبو تيمور كان مشتهي إكون زبال بأمريكا بوقت من الأوقات ومن كم شهر خلص كتب بيو وهوي رايح جاي عقصر الشعب ياخذ صفو الخاطر

الله يطول بعمرك ابو تيمور قريبا منشوفك بالجبل عنا يا غالي قربت ابو تيمور ما ظل الا القليل لعيونك

يا ابن الجبل، فيك تنورنا ببعض الاسماء من السويداء التي هي على وزن وليد جنبلاط سياسياً، على فضاوتك وعلى مهلك وفيك تمخخلك بشي بريق متي مع علبة حمرا طويلة وبترجع بتشتري بطاقة للنت من عند شركة حبيبك رامي وبتستنا الكهرباء حتى تجي. مع العلم انا لا اؤيد احد.

الله حي البطن الي جابك ابن لجبل وليد جنبلاط تاجر كلام الي خايف عطائفية وهوي الي حارب سنين بإسم الطائفية خلينا نسأل شيخ بهجت غيث عنو إلي حاربو وطلعو من دار الحكمي لما كان شيخ عقل بلبنان إذا بعد في حدا بيحترمو بكون من شان بيو بس

على راسي ابن الجبل المندس وابن السويداء 2بس بالنسبة لأبن الجبل الشبيح وعلي الهادي فابنصحكن تبطلو تحضرو برامج الفضائية السورية والدنيا وتعيدو كلامن متل الببغاء وكمان يا ريت تحضرو قناة السبيس تون لأن مستواكم وفهمكن السياسي بناسبو هيك محطات وبدكن كثير لتفهمو مواقف تاج راسنا ومعلمنا ابو تيمور.

ياأخ حمد الله إخليلك أبو تيمور وتيمور كمان
محسسني إنك من المختارة وعلى( راسنا ومعلمنا أبو تيمور )!!!!
بعدين إلي بيفهم بالسياسي بدو شوف ويسمع كل الإعلام كل المحاور والرأي والرأي الآخر بدو روح رياضية شوي يعني قبل ماكبرت ماكنت تحضر أفلام كرتون

ياإبن الجبل أول شي أنا بشكرك على عدم كتابة كلمة( حقيقي )بعد إسم إبن الجبل لأن كلنا ولاد هالجبل مهما إختلفنا بالرأي والحمدالله ماعمرنا إتفقنا إلا على رابط الدم إلي بينا
ثانيآ يمكن مايكون في أسماء بالجبل إلى شأن سياسي مثل وليد جنبلاط لإختلاف النسيج السياسة بينا وبينن بلبنان كون الطائفية والزعامة بلبنان أصبحت متوارثة بحكم مجتمعن وتقسيمن الجغرافي بس منملك بجبل العرب كثير من الشخصيات إلي إلى ثقل علمي وأدبي وثوري وفني ومن حسن حضنا إنو ماعنا سياسيين بسويدا يمكن لإنو أكثر صدق من غيرنا

سيد حمد لاحظ انو اني عندي راي بوليد بيك ماعطيت راي فيك ها اولا ثانيا ماحدا عاجبو الوضع اليوم لاعجبتنا حكومي ولاعجبتنا معارضة بدنا نعيش بعيد عن هالكذب والتلفيق ثالثا قناة سبيس تون هيه اصدق من قنواة الاخبارية كنو الدنيا ولا الجزيرة ورابعا والاهم خيك وليد بيك بقول عنا (هدول حوارني) بين قوسين

ردا على استفسار أبن الجبل المندس عن اسماء الزعامات السياسية في السويداء, نزف الى الجميع خبر بروز اسم الزعيم السياسي العظيم رفيق فليحان على قناة الدنيا ممثلا السويداء في العرض المسرحي الذي بث اليوم ومباشر (طبعاللتنويه اخبرني بذلك احد الأشخاص فحاشى لله أن اتابع هذه المحطة التافهة والكاذبة بكل كوادرها وضيوفها), فهنيئا لنا بهذا الزعيم العظيم الذي ينافس وليد بيك!!! يا زين هالجدايل يا رفيق يعني حقيقة شرفتنا كلنا بالحضور وبهالكلام السياسي الموزون,وين كنت يا زلمي من زمان الناس عبتستناك حاجي نتباهي بوليد بيك وهو لبناني. يا حيف على السويدا تتمثل بهيك واحد بعد ما خرجت ألمع السياسيين.

بمين رجال سويدا عم تتباها ياسيد حمد
كل إنسان وقيمتو وثقافتو رجال السويدا مابيتماثلو بحدا كل واحد حر بفكرو وقناعاتو ، أما إنت إذا منصب وليد بيك تبعك تاج راسك فهذا بيرجعلك لا تجمع العالم معك طول عمرو الجبل حر مانجحت ثورة الباشا إلا وكل بيت في سلطان باشا الأطرش جا تقولي قناة الدنيا ورفيق فليحان وغيرو

رح اضل متابع حالتك المرضية (التشبيح الكتروني) حتى تشفى وبدون ملل انك مغترب وتعاني من الغربة والتشبيح معا لقد قلنا لك ان تفكر لماذا انت مغترب؟ واما بسؤالنا عن اسماء السياسيين في السويداء وجوابك كان صفصفة كلام على كاسة متي، ركز معنا وراح تفكر مثلنا. وشوف الاخ حمد كلام موزون وحر لا يقبل الضيم. لا تخف لن نتخلى عنك، حتى تشفى.